Simone Fattal
Simone Fattal, Wounded Warrior, 1999. Exhibition view at Sala Trenker, Ortisei, Biennale Gherdëina ∞. Courtesy of the artist. Ph. Tiberio Sorvillo
La spana artistica de Simone Fattal, che se slergia ora dala pitura, scultura, collage ai libri y publicazions, ie unida nfluenzeda dala scultura tlassica, dala mitologia y la formes arcaiches sciche nce dai avenimënc storics y la ntraunides d’al didancuei. Ti ’80 ie Fattal muceda dala viera zevila tl Libano y ie ruveda tla California, ulache la à metù su la cësa editëura Post-Apollo Press per sustenì la poejia y l scrì ndependënt, danter l auter nce la opres de Etel Adnan. Permò canche la se scrij ite tl Art Institute of San Francisco mëtela man de lauré cun la ceramica, n material che la acumpanierà da ntlëuta inant per gran pert de si pratica artistica. Si figures fates de mauta y sas tol unitant ispirazion da sic archeologics a chëi che la jiva a ti cialé da pitla y mpo ieles mbuedes de chël che l uel dì viver tla realteies politiches cumplichedes y ntravaiedes d’al didancuei. Sënies de manipulazions, la man dl’artista, l sëni di dëic y dla prescion resta per for ti lëures de mauta, che suvënz balestea via y ca danter astrazion y figurazion antropomorfica. Dit cun la paroles de Etel Adnan, “Canche Simone Fattal à tëut ca si prim tòch de mauta ne ala nia bazilà. Si dëic, o miec dit la forzes plu sotes de si mënt, à giavà ora de chël mudl de mauta na persona mpe. L ie stat n at de criazion. Riesc ala inò abinà si mond. Te n aiet ala crià inò l prim uem preistorich, mpe. La ne à nia crià na figura ma n sgors, n muvimënt.”
Simone Fattal
Simone Fattal, Wounded Warrior, 1999. Exhibition view at Sala Trenker, Ortisei, Biennale Gherdëina ∞. Courtesy of the artist. Ph. Tiberio Sorvillo
La spana artistica de Simone Fattal, che se slergia ora dala pitura, scultura, collage ai libri y publicazions, ie unida nfluenzeda dala scultura tlassica, dala mitologia y la formes arcaiches sciche nce dai avenimënc storics y la ntraunides d’al didancuei. Ti ’80 ie Fattal muceda dala viera zevila tl Libano y ie ruveda tla California, ulache la à metù su la cësa editëura Post-Apollo Press per sustenì la poejia y l scrì ndependënt, danter l auter nce la opres de Etel Adnan. Permò canche la se scrij ite tl Art Institute of San Francisco mëtela man de lauré cun la ceramica, n material che la acumpanierà da ntlëuta inant per gran pert de si pratica artistica. Si figures fates de mauta y sas tol unitant ispirazion da sic archeologics a chëi che la jiva a ti cialé da pitla y mpo ieles mbuedes de chël che l uel dì viver tla realteies politiches cumplichedes y ntravaiedes d’al didancuei. Sënies de manipulazions, la man dl’artista, l sëni di dëic y dla prescion resta per for ti lëures de mauta, che suvënz balestea via y ca danter astrazion y figurazion antropomorfica. Dit cun la paroles de Etel Adnan, “Canche Simone Fattal à tëut ca si prim tòch de mauta ne ala nia bazilà. Si dëic, o miec dit la forzes plu sotes de si mënt, à giavà ora de chël mudl de mauta na persona mpe. L ie stat n at de criazion. Riesc ala inò abinà si mond. Te n aiet ala crià inò l prim uem preistorich, mpe. La ne à nia crià na figura ma n sgors, n muvimënt.”
Caption for first image