Britta Marakatt-Labba
Britta Marakatt-Labba, Embracing in the dark - Magically, 2022. Exhibition view at Sala Trenker, Ortisei. Commissioned by Biennale Gherdëina ∞. Ph. Tiberio Sorvillo
Britta Marakatt-Labba ie chersciuda su te na fmailia de zidladëures de renes tl nord dla Svezia, un di raions plu a nord dl mond, ulache l viv la cumenanzes di Sami. Ëila ie stata cumëmbra dla Sámi Artists’ Group (1978-83). Tl 2014 ti iel unì sëurandat n dutorat d’unëur da pert dla facultà d’ert dla Università de Umeå. Lauran la gran pert tla tecnica dl stichené, crieia Marakatt-Labba cuntredes y monc n miniatura che rafigurea i rituai, cumbatimënc y la vita da uni di dla jënt dl nord, ntercian adum la stories ambienteles, geopolitiches y mitologiches dla cultura di Sámi. Persones, tieres y diviniteies ie la figures zentreles te si scenes, daujin ala natura de marueia, la nëif d’inviern dla cuntredes boreales y la cunfigurazions urbanes di aglomerac dla persones d’al didancuei y si politica. N si lëur stichenà scialdi cunesciù dal titul Historja (2003-07), 23,5 metri lonch, n epos dla populazion di Sami, ie unì prejentà ntan la documenta 14 y ie metù ora tla Università de Tromsø, ulache l ie for da pudëi amiré.
I cater lëures fac for cun la tecnica dl stichené, Magically, The stars show the way, In dialogue y Embracing in the dark (duc dl 2022) mostra paesajes che ie unic roc tres na codla de scipa o refletei te n uedl, che fej lecurdé la proiezions paraboliches adurvedes per fé chertes bidimensciuneles. Dedite dai ëures dla cuntredes vëijen tieres, bòsc, stëiles y figures che à sëura n ladjogáhpir cueciun, n ciapel drët particuler dl’ëiles di Sámi, che à lessù n corn de lën fat ite te n stof stickenà.
Britta Marakatt-Labba, The stars show the way, 2022. Commissioned by Biennale Gherdëina ∞. Ph. Tiberio Sorvillo
Britta Marakatt-Labba, In dialog, 2022. Commissioned by Biennale Gherdëina ∞. Ph. Tiberio Sorvillo
Britta Marakatt-Labba
Britta Marakatt-Labba, Embracing in the dark - Magically, 2022. Exhibition view at Sala Trenker, Ortisei. Commissioned by Biennale Gherdëina ∞. Ph. Tiberio Sorvillo
Britta Marakatt-Labba ie chersciuda su te na fmailia de zidladëures de renes tl nord dla Svezia, un di raions plu a nord dl mond, ulache l viv la cumenanzes di Sami. Ëila ie stata cumëmbra dla Sámi Artists’ Group (1978-83). Tl 2014 ti iel unì sëurandat n dutorat d’unëur da pert dla facultà d’ert dla Università de Umeå. Lauran la gran pert tla tecnica dl stichené, crieia Marakatt-Labba cuntredes y monc n miniatura che rafigurea i rituai, cumbatimënc y la vita da uni di dla jënt dl nord, ntercian adum la stories ambienteles, geopolitiches y mitologiches dla cultura di Sámi. Persones, tieres y diviniteies ie la figures zentreles te si scenes, daujin ala natura de marueia, la nëif d’inviern dla cuntredes boreales y la cunfigurazions urbanes di aglomerac dla persones d’al didancuei y si politica. N si lëur stichenà scialdi cunesciù dal titul Historja (2003-07), 23,5 metri lonch, n epos dla populazion di Sami, ie unì prejentà ntan la documenta 14 y ie metù ora tla Università de Tromsø, ulache l ie for da pudëi amiré.
I cater lëures fac for cun la tecnica dl stichené, Magically, The stars show the way, In dialogue y Embracing in the dark (duc dl 2022) mostra paesajes che ie unic roc tres na codla de scipa o refletei te n uedl, che fej lecurdé la proiezions paraboliches adurvedes per fé chertes bidimensciuneles. Dedite dai ëures dla cuntredes vëijen tieres, bòsc, stëiles y figures che à sëura n ladjogáhpir cueciun, n ciapel drët particuler dl’ëiles di Sámi, che à lessù n corn de lën fat ite te n stof stickenà.
Britta Marakatt-Labba, The stars show the way, 2022. Commissioned by Biennale Gherdëina ∞. Ph. Tiberio Sorvillo
Britta Marakatt-Labba, In dialog, 2022. Commissioned by Biennale Gherdëina ∞. Ph. Tiberio Sorvillo