Etel Adnan
Etel Adnan, 079 D14, 2010. View at Sala Trenker, Ortisei. Biennale Gherdëina ∞. Ph. Tiberio Sorvillo
Etel Adnan, Sunken sun, 2016. View at Sala Trenker, Ortisei. Biennale Gherdëina ∞. Ph. Tiberio Sorvillo
La cariera artistica de Etel Adnan che à durà plu de mez secul, tol ite duta la variazions artistiches coche pitura, dessëni, film, lëur cun drap, poejia, cudejiei, jurnalism politich y romans. Ntan i ani 1950 iela jita a sté tla California per studië filosofia y iló ala nce scumencià a sperimenté la forma astrata. Su per i ani ’60 y ’70 à pona si pratica scumencià a flurì cun na gran vela de formes cun reflescions n cont dl amor permez ala viera, n cont dl paesaje, la ziteies, l tëmp y l’architetura. Si roman Sitt Marie-Rose (1978) vën mo ncueicundì cunscidrà un di plu senificatifs n cont dla desdruzions gaujedes dala viera zevila dl Libanon, ntant che d’autra opres coche Seasons (2008) y Journey to Mount Tamalpaïs (1986) descrij coche luesc, avenimënc atmosferics y paesajes ie duc prejënc te n dialogh zënza fin cun la sensibltà dl artista y dl poet. Canche Adnan à scuvrì, ti ani ’70, per l prim iede l Mont Tamalpaïs tla California, iela resteda tan tucheda da si cialé ora, da si culëures y persunalità, che l ti ie restà n cumpani y funtana d’ispirazion artistica per duta la vita. Unida a mancë tl 2021, ie Adnan stata danter i artisć plu nfluënc dl 20ejim y 21ejim secul, na usc scialdi sterscia y cumpasciuneda n con’ de cie che l uel dì a vester sun chësc mond, coche persona y deplù de chël.
Per uneré l lecort de Adnan vëniel prejëntei doi pitli chedri del astista ulache n surëdl minimalistich y belau astrat fej damat cun la rissa dl urizont y si stramudé de culëures y lum.Tramedoi opres ie n spiedl de otimism y ueia de jughé, che mostra nce n liam strënt cun l vester astral, vivù coche cumpani de pitura y de pensier. Simone Fattal dijëssa, “La pitures de Adnan fej la pert che la icones antiches fajova per i credënc. Les lascia ora y dà energia. Les te straverda sciche n talisman. Les te juda a viver ti vita da uni di… Les spiedla la lauda per l univiers, si esperienza, l’imerscion laite, l fé pea pra si furmazion. Degun lamenté, degun’ elegia. Amor.”
Etel Adnan
Etel Adnan, 079 D14, 2010. View at Sala Trenker, Ortisei. Biennale Gherdëina ∞. Ph. Tiberio Sorvillo
Etel Adnan, Sunken sun, 2016. View at Sala Trenker, Ortisei. Biennale Gherdëina ∞. Ph. Tiberio Sorvillo
La cariera artistica de Etel Adnan che à durà plu de mez secul, tol ite duta la variazions artistiches coche pitura, dessëni, film, lëur cun drap, poejia, cudejiei, jurnalism politich y romans. Ntan i ani 1950 iela jita a sté tla California per studië filosofia y iló ala nce scumencià a sperimenté la forma astrata. Su per i ani ’60 y ’70 à pona si pratica scumencià a flurì cun na gran vela de formes cun reflescions n cont dl amor permez ala viera, n cont dl paesaje, la ziteies, l tëmp y l’architetura. Si roman Sitt Marie-Rose (1978) vën mo ncueicundì cunscidrà un di plu senificatifs n cont dla desdruzions gaujedes dala viera zevila dl Libanon, ntant che d’autra opres coche Seasons (2008) y Journey to Mount Tamalpaïs (1986) descrij coche luesc, avenimënc atmosferics y paesajes ie duc prejënc te n dialogh zënza fin cun la sensibltà dl artista y dl poet. Canche Adnan à scuvrì, ti ani ’70, per l prim iede l Mont Tamalpaïs tla California, iela resteda tan tucheda da si cialé ora, da si culëures y persunalità, che l ti ie restà n cumpani y funtana d’ispirazion artistica per duta la vita. Unida a mancë tl 2021, ie Adnan stata danter i artisć plu nfluënc dl 20ejim y 21ejim secul, na usc scialdi sterscia y cumpasciuneda n con’ de cie che l uel dì a vester sun chësc mond, coche persona y deplù de chël.
Per uneré l lecort de Adnan vëniel prejëntei doi pitli chedri del astista ulache n surëdl minimalistich y belau astrat fej damat cun la rissa dl urizont y si stramudé de culëures y lum.Tramedoi opres ie n spiedl de otimism y ueia de jughé, che mostra nce n liam strënt cun l vester astral, vivù coche cumpani de pitura y de pensier. Simone Fattal dijëssa, “La pitures de Adnan fej la pert che la icones antiches fajova per i credënc. Les lascia ora y dà energia. Les te straverda sciche n talisman. Les te juda a viver ti vita da uni di… Les spiedla la lauda per l univiers, si esperienza, l’imerscion laite, l fé pea pra si furmazion. Degun lamenté, degun’ elegia. Amor.”