Karrabing Film Collective
Karrabing Film Collective, The Family and the Zombie, 2021. View from the Pedestrian area, Ortisei. Biennale Gherdëina ∞. Ph. Tiberio Sorvillo
Karrabing ie na parola che vën dal Emmiyengal y che se referësc al pont, ulache l’ega dl mer à arjont si pont plu bas. Karrabing ne n’ie degun clan, deguna grupa linguistica, deguna nazion. L ie na tingëda do n mond te chël che i mëmbri indigens à l cuntrol sun si raion, si imaginazions, si passà y daunì. A pert si fascinazion n pue’ fetra, se basea duc i films de Karrabing Film Collective sun ntraunides reéles, te chëles che l passà, l presënt y l daunì ie ntravaiëi un cun l auter y ti va do ala truepa pertenjions y ai gordli, che ne se lascia nia schivé, dla vita di indigens d’aldidancuei. Karrabing tol su cun telecameres da tenì tla man, cun fonins, y lëura zënza libret de scenar, ulache l gros dla desfileda de uni film vën a s’l dé ntan cunversazions de grupa. L ultim film de Karrabing fat dan da puech, The Family and the Zombie, 2021, scumëncia cun antenac dl daunì, che gëva patac dëuces y si mutons, che fej damat te na spëscia ciataruda y vërda. Cie che semea dl prim na scena plutosc inuzënta, raida via te n cumentar sun i priculi ntussiënc dl cunsum deslià dl vest… Dit te paroles de Karrabing: “L film se giamiëia ju danter tëmps d’aldidancuei, te chëi che mëmbri de Karrabing scumbat per mantenì si liams fisics, etics y zeremoniei te si raions desman di antenac, y daunì, populà da criatures de antenac, che viv tla cunseguënzes dl capitalism ntussià y zombies blanc, y The Family mescëia cumedia, tragedia y realism, per fé pensé do sun la pratiches dl presënt y si fazions sun l mond che vën.”
Karrabing Film Collective
Karrabing Film Collective, The Family and the Zombie, 2021. View from the Pedestrian area, Ortisei. Biennale Gherdëina ∞. Ph. Tiberio Sorvillo
Karrabing ie na parola che vën dal Emmiyengal y che se referësc al pont, ulache l’ega dl mer à arjont si pont plu bas. Karrabing ne n’ie degun clan, deguna grupa linguistica, deguna nazion. L ie na tingëda do n mond te chël che i mëmbri indigens à l cuntrol sun si raion, si imaginazions, si passà y daunì. A pert si fascinazion n pue’ fetra, se basea duc i films de Karrabing Film Collective sun ntraunides reéles, te chëles che l passà, l presënt y l daunì ie ntravaiëi un cun l auter y ti va do ala truepa pertenjions y ai gordli, che ne se lascia nia schivé, dla vita di indigens d’aldidancuei. Karrabing tol su cun telecameres da tenì tla man, cun fonins, y lëura zënza libret de scenar, ulache l gros dla desfileda de uni film vën a s’l dé ntan cunversazions de grupa. L ultim film de Karrabing fat dan da puech, The Family and the Zombie, 2021, scumëncia cun antenac dl daunì, che gëva patac dëuces y si mutons, che fej damat te na spëscia ciataruda y vërda. Cie che semea dl prim na scena plutosc inuzënta, raida via te n cumentar sun i priculi ntussiënc dl cunsum deslià dl vest… Dit te paroles de Karrabing: “L film se giamiëia ju danter tëmps d’aldidancuei, te chëi che mëmbri de Karrabing scumbat per mantenì si liams fisics, etics y zeremoniei te si raions desman di antenac, y daunì, populà da criatures de antenac, che viv tla cunseguënzes dl capitalism ntussià y zombies blanc, y The Family mescëia cumedia, tragedia y realism, per fé pensé do sun la pratiches dl presënt y si fazions sun l mond che vën.”